الروتين الحكومي Red Tape حاجه فظيعه جداا

السلام عليكم

موضوع النهارده أكيد كل واحد فينا مر بيه في حياتنا

أكيد كل واحد عاني من الروتين الحكومي اللي في اغلب الاوقات بيعطلنا عن حجات كتير

كل واحد فينا شاف من الموظفين الحكوميين ( الي هما ودالك ووالدتك وعمك وجارك واهلك ومعارفك و... ) اللي عمره ميتصوره في حياته

يعني لو رايح تخلص ورقه في مصلحه معينه وحظك البمبي وقعك في اتنين موظفين قائمين علي العمل دا

يبقي اعرف انك مش هتخلص ولو خلصت يبقي هتنجز عملك متأخر ونتايج مش مرضيه

كل موظف ليه قوانين غير الموقف التاني

دا غير القوانين الاساسيه اللي المصلحه دي بتمشي بيها

قال يعني مش كفايه علينا

-********-

انا هحكي موقف صغير جدا حصلي قريب ومش قريب اوي لانه عمال يحصلي بقاله سنتين

انا وبلا فخر بقالي سنتين بطلع بطاقه شخصيه

والاخ شنيو يشهد بكدا مرمطه معايا في كل مره اروح اطلعها فيها

والحمد لله المره اللي روحت فيها من غيره خلصت الورق

المهم كل موظف ليه حاجه شكل والورق بتاعهم كله غلط

شاهده الميلاد فيها اسمي غلط

ودي شهاده الميلاد الجديده الاكترونيه كمان يعني اسمي في الكمبيوتر والسجلات عند الحجومه غلط

المفروض ان اسمي احمد .... السماحي

هو عندهم أحمد .... السما

وطبعا يقولوا محدش اسمه احمد السما قولتلهم طيب كملوه السماحي

يقولولي بس الي مكتبو ادامنا احمد اسما قولتلهم طيب اكتبوه زي ماهو يقولوا محدش اسمه كدا

قولتلهم انا ااسمي كدا

قالولي خلاص هات شاهده ميلاد قديمه وفيها الاسم كامل

جبت شاهده الميلاد القديمه وروحت قابلني موظفه تاينه غير الموظف الاول وهي مدام تعقديات

وقالتلي لالالالا شاهده الميلاد القديمه غير معترف بيها والاسم غلط

ومحل الميلاد غلط وكمان غير اللي في بطاقه والدك

وقدامي حل من اتنين

والدي يغير بطاقته خالص خالص

او انا اجيب عقد للشقه اللي انا ساكن فيها ويكون العقد دا باسمي انا مش باسم والدي

طيب بالزكاء المصري انا لو اعرف اطلع عقد ايجار باسمي اكيد هيبقي معايا بطاقه هروح لسعادتها ليــــــه؟؟!!

المهم في النهايه وبعد مستيت يوم تكون مدام تعقديات مش موجوده روحت وطلعت البطاقه بالاسم الخاطيء

واعلنت عن وجود عائلع جديد وهي عائله السما

وانا عميد العائله بالتاكيد اللي مفهاش غير فرد واحد الي هو انا

وطبعا بالعنوان اللي مكنوش موافقين عليه برضوا

يعني ولا قوانين الحكومه مشيت ولا قوانينهم

بس الكلام دا بعد سنتين من البدأ في المهمه المستحيله

-************-

الوقتي بقا عايز اعرف من كل واحد منكم

حل مر عليه موقف حلو قريب من دا وداق الامرين من الروتين وعمايله

افتح قلبك واتكلم براحتك والتوبيك هيتنقل للريسيكل بعد منشبع

شكراااااااااااااااااااااااااااااااااااا الروتين الحكومي Red Tape حاجه فظيعه جداا 539185

شكرا على المجهود

شكرا علي الموضوع وعلي الإمداد

متعصب

شكرا علي الموضوع